ᑐᕌᒐᕗᑦ
ᐱᓕᕆᔨᓪᓗᐊᑕᐅᓂᐊᖅᑐᑦ ᐊᑐᐃᓐᓇᐅᑎᑦᑎᖃᑦᑕᕐᓗᑎᑦ ᐊᑑᑎᖃᑦᑎᐊᕋᓱᐊᕐᓗᒋᑦ ᐱᒻᒪᕆᐅᔪᒃᑯᑦ ᑐᑭᓯᒋᐊᕈᑎᓂᑦ ᐱᔪᓐᓇᕐᓗᓂ ᐊᑐᖃᑦᑕᖅᑐᓄᑦ ᐃᓗᐊᓂ ᓯᓚᑖᓂᓗ ᐃᖅᑲᖅᑐᐃᓂᓕᕆᓂᕐᒥᑦ ᓄᓇᕗᒻᒥ.ᓄᓇᕗᑦ ᐃᖅᑲᖅᑐᐃᕕᖏᑕ ᐅᖃᓕᒫᒐᖃᕐᕕᖏᑦ ᐱᔨᑦᑎᕋᕐᕕᖏᑦ ᐊᒻᒪᓗ ᓄᐊᑉᐸᑦᑕᖏᑦ ᐃᓱᒪᔪᑦ ᐊᒻᒪᓗ ᑭᐅᔪᓐᓇᖅᑐᑎᑦ ᐊᓯᐊᓅᖅᑕᐅᓯᒪᔪᓄᑦ ᐊᒻᒪᓗ ᖃᐅᔨᓴᖅᑐᓕᕆᓂᕐᒧᑦ ᐃᖅᑲᖅᑐᐃᕕᓕᕆᓂᕐᒥᑦ, ᐃᖅᑲᖅᑐᐃᔩᑦ ᐃᖅᑲᓇᐃᔭᖅᑎᖏᓐᓄᑦ, ᐊᒻᒪᓗ ᓄᓇᓕᓐᓂ ᑲᓇᑕᒥᓗ ᒪᓕᒐᓕᕆᓂᕐᒨᖓᔪᓂᑦ ᐊᒻᒪᓗ ᐊᓯᖏᓐᓄᑦ ᑭᒃᑯᑐᐃᓐᓇᕐᓄᑦ.ᓄᓇᕗᑦ ᐃᖅᑲᖅᑐᐃᕕᖏᑕ ᐅᖃᓕᒫᒐᖃᕐᕕᖏᑦ ᐊᑐᐃᓐᓇᐅᑎᑦᑎᒐᓱᖃᑦᑕᕐᓂᐊᖅᑐᑦ ᐱᔭᕆᐊᑭᑦᑐᒃᑯᑦ, ᐊᑐᐃᓐᓇᐅᑎᑦᑎᑦᑎᐊᕋᓱᐊᕐᓗᑎᓪᓗ, ᐱᓕᕆᖃᑎᖃᕈᓐᓇᕐᓗᑎᓪᓗ ᐊᑐᖃᑦᑕᖅᑐᓂᑦ, ᐃᖅᑲᓇᐃᔭᖅᑎᖏᓐᓂᓪᓗ ᐱᓕᓯᒪᓴᖅᑎᑦᑎᖃᑦᑕᐃᓐᓇᕐᓗᑎᑦ ᐊᒻᒪᓗ ᐊᐅᓚᑦᑎᒍᓐᓇᕐᓗᑎᑦ ᐊᑐᐃᓐᓇᐅᑎᑕᐅᔪᓂᑦ ᑐᑭᓯᒋᐊᕈᑎᔅᓴᓂᑦ.ᖃᐅᔨᒪᔭᐅᒋᐊᓕᒃ: ᓄᓇᕗᑦ ᐃᖅᑲᖅᑐᐃᕕᖏᑕ ᐅᖃᓕᒫᒐᖃᕐᕕᖏᑦ ᐊᑎᖃᖃᑕᐅᔪᑦ ᒪᓕᒋᐊᓕᓐᓂᑦ ᐊᒥᓱᓕᐅᕆᓂᕐᒥᑦ ᒪᓕᑦᑐᒋᑦ ᐊᒥᓱᓕᐅᖅᑎᑦᑎᓂᕐᒧᑦ ᐱᖁᔭᖏᓐᓂ. ᐅᖓᑖᓅᖓᓐᖏᑦᑐᑦ 10% ᐅᖃᓕᒫᒐᐅᑉ/ᓈᓴᐅᑎᖓ/ᐅᖃᓕᒫᒐᕐᓂᑦ ᐊᑐᐃᓐᓇᐅᔪᓂᑦ ᐊᒥᓲᓕᖅᑎᑦᑎᔪᓐᓇᖅᑐᑦ ᐊᒻᒪᓗ ᐊᒥᓲᓕᖅᑎᑕᐅᔪᓐᓇᖅᑐᑦ ᑭᓯᐊᓂ ᓇᒻᒥᓂᖅ ᐊᑐᕐᓂᐊᑐᐊᖅᑲᒋᑦ (ᓲᕐᓗ ᓂᐅᕐᕈᑎᒋᔭᕆᐊᖃᓐᖏᒻᒪᑕ). ᐊᓯᒃᑲᓐᓂᖏᓐᓂ ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ, ᖃᐅᔨᒋᐊᕈᓐᓇᖅᑐᑎᑦ ᐅᖃᓕᒫᒐᓕᕆᕕᒻᒧᑦ ᐅᖄᓚᓗᑎᑦ ᖃᕋᓴᐅᔭᒃᑯᓪᓘᓐᓃᑦ ᑎᑎᕋᕐᓗᑎᑦ.