ᓈᓚᒃᑎᐅᓂᖅ
ᓂᕈᐊᖅᑕᐅᒍᕕᑦ ᐃᓚᐅᖁᔭᐅᓗᑎᒃ ᓈᓚᒃᑎᐅᓂᖕᒥᑦ, ᒪᓐᓇ ᑐᑭᓯᕚᓪᓕᕈᑎᒋᓂᐊᖅᑐᖅ ᑭᓱᓂᑦ ᓂᕆᐅᖕᓂᐊᖕᒪᖔᑦ ᐃᖅᑲᖅᑐᐃᔪᓄᐊᕈᕕᑦ.
ᓇᒃᓴᕆᐊᖃᖕᓂᐊᖅᑕᐃᑦ ᓈᓚᒃᑎᐅᓂᖕᒧᑦ ᖃᐃᖁᔭᐅᔾᔪᑏᑦ ᓇᓗᓇᐃᒃᑯᑕᒥᒡᓗ ᐊᔾᔨᙳᐊᓕᖕᒥᑦ. ᓯᕗᓪᓕᖅᐹᒥᑦ ᐅᓪᓗᖓᓂᑦ ᐃᖅᑲᖅᑐᐃᓕᖅᐸᑕ, ᐃᓂᒃᓴᒧᐊᖅᑕᐅᓂᐊᖅᑐᑎᑦ ᐃᒡᓗᕈᓯᖕᒧᓪᓘᓐᓃᑦ. ᐸᓖᓯᙳᐊᕐᓗ ᐃᖅᑲᖅᑐᐃᔨᓗ ᓇᓗᓇᐃᔭᐃᒃᑲᓐᓂᖕᓂᐊᖅᐳᑦ ᐱᓕᕆᐊᒃᓴᖕᓂᑦ ᑲᒪᒋᔭᒃᓴᖕᓂᓪᓗ.
ᐊᑲᐅᓂᕐᓴᐅᔪᖅ ᐱᕙᒌᔭᖅᓯᒪᒍᕕᑦ ᐃᖅᑲᖅᑐᐃᕕᓕᐊᓚᐅᙱᓐᓂᖕᓂᑦ − ᐅᑯᐊ ᐃᓱᒪᒋᓗᒋᑦ:
- ᑲᓄᑎᒋ ᐊᑯᓂᐅᑎᒋᔪᖅ ᐸᖕᓇᒐᔭᖕᒪᖔᑦ ᖃᓄᕐᓗ ᐊᑯᓂᐅᑎᒋᔪᖅ ᐃᖅᑲᖅᑐᐃᕕᓕᐊᕋᔭᖕᒪᖔᑦ
- ᑭᓱᒃᑯᑦ ᑕᐃᑯᙵᐅᓇᔭᖕᒪᖔᑦ
- ᐱᔭᕆᐊᖃᖅᐸᑦ, ᖃᓄᐃᑦᑐᓂᑦ ᓄᓇᓯᐅᑎᓄᑦ ᓄᖅᑲᖓᕝᕕᒃᑕᖃᖅᐸ
ᐃᖅᑲᖅᑐᐃᕕᖕᒥᑦ ᐱᑐᐃᓐᓇᐅᙱᒻᒪᑦ ᒪᓕᒐᒃᓴᖃᐅᖅᖢᓂ ᐊᑐᕆᐊᓖᓪᓗ ᐃᑲᔫᑎᔪᓐᓇᖅᑐᑦ ᖃᐅᔨᒪᕙᒌᕐᓗᒋᑦ ᐃᓯᓚᐅᙱᓐᓂᖕᓂᑦ.
- ᐃᓕᑦᑎᓗᑎᑦ ᖃᓄᖅ ᐃᖅᑲᖅᑐᐃᕕᖕᒥᑦ ᐃᓕᖅᑯᓯᖃᕆᐊᖃᖕᒪᖔᑦ
ᓈᓚᒃᑎᓄᑦ ᐊᑐᒐᒃᓴᐃᑦ
ᐃᖅᑲᖅᑐᐃᓚᐅᙱᑎᓪᓗᒋᑦ ᓱᓕ, ᐃᖅᑲᖅᑐᐃᔨ ᓇᓗᓇᐃᔭᐃᓂᐊᖅᑐᖅ ᐱᓕᕆᐊᖏᓐᓂᑦ ᓈᓚᒃᑎᑦ, ᒪᑯᓂᖓᕈᓘᔭᖅ ᑐᓴᐅᒪᔭᒃᓴᓖᑦ:
- ᖃᓄᐃᓕᐅᖅᐸᖕᒪᖔᖏᑦ ᐃᖅᑲᖅᑐᐃᑎᓪᓗᒋᑦ
- ᖃᖓ ᖃᓄᑎᒋᓗ ᓈᓚᒃᑏᑦ ᐃᖅᑲᖅᑐᐃᕕᖕᒦᑦᑕᕆᐊᖃᖕᒪᖔᖏᑦ
ᖃᐅᔨᒪᓗᐊᕆᐊᖃᙱᑦᑐᑎᑦ ᒪᓕᒐᐅᑉ ᒥᒃᓵᓄᑦ ᓈᓚᒃᑎᐅᓂᐊᕐᓗᑎᒃ. ᐃᖅᑲᖅᑐᐃᔨ ᓇᓗᓇᐃᔭᐃᓂᐊᖅᑐᖅ ᒪᓕᒐᑎᒍᑦ ᑕᐃᒎᓯᐅᓲᓂᑦ ᒪᓕᒐᐃᓪᓗ ᐃᒡᕕᑦ, ᓈᓚᒃᑎᐅᓗᑎᑦ, ᐃᓱᒪᒃᓴᖅᓯᐅᕈᑎᒋᔭᕆᐊᓕᒃᑎᑦ, ᐊᓯᖏᓪᓗᑦᑕᐅᖅ ᖃᐅᔨᒪᔭᕆᐊᖃᖕᓂᐊᖕᒥᔭᑎᑦ ᐃᖅᑲᖅᑐᐃᔪᖃᖅᑎᓪᓗᒍ.